Rezidencë Alba Adriatika Abruzzo

NATYRA

Abruzzo njihet si “Rajoni jeshil i Europës” dhe për këtë arsye është e mbrojtur një e treta e sipërfaqes.

Arinj dhe dhitë e egra, muret shkëmbore, peisazhe të bukura kodrinore dhe plazhe të mrekullueshme ranore. Mes lartësive të Gran Sasso, të Majella dhe të Velino, dhe linjës së bukur të bregdetit, natyra e Abruzzo formon një kornizë të madhe të bukur, të cilën mund ta admirosh në çdo moment të vitit.

Falë Parqeve Kombëtare, një rrjeti të dendur rezervash dhe oazesh natyrore, natyra e Abruzzos sot është shumë e ruajtur dhe mund të jetë lehtësisht e vizituar nga ana e të apasionuarve single ashtu edhe të grupeve të organizuara.

Website i Parkut Natyror Kombëtar Gran Sasso

Deti

Kilometra të tëra plazhi, shkëmbinj dhe rërë të pastër për pushime që do tju habisin, relaksojnë dhe rigjenerojnë.

Bregdeti abrucez përfaqëson një prej zonave turistike më të rëndësishme e të vlerësuara, për qetësinë e plazheve dhe të peisazhit, ujërat e kulluar, pishat dhe ajrin e pastër.

Me ardhjen e natës bregdeti ndryshon: rrugët gjallërohen “netët adriatike”, lokalet mbushen deri në orët e para të mëngjesit, për argëtimin e të rinjve të të gjitha moshave. Kush kërkon pushime sportive mund të praktikojë velat, ëindsurf, canoe ose peshkimin.

Windsurf në Abruzzo

ARTI DHE ARKITEKTURA

Kisha romane dhe kështjella, nekropol antike dhe muze, trashëgimi dhe fshatra të foritfikuar. Mes maleve dhe detit, një mundësi zgjedhjeje të veprave të artit dhe monumenteve e presin vizituesin që përshkon Abruzzon.

Përkrah monumenteve dhe të famshmëve si S.Maria e Collemaggio, rrugët antike të Scanno, Muzeu Arkeologjik Kombëtar I Chieti dhe Rocca Calascio, dhjetëra mrekulli më pak të njohura, të shpërndara në çdo cep të rajonit do të emocionojnë vizitorët.

TRADITA

Lidhjet me traditën i japin më shumë ngjyra spektaklit dhe eventeve që në verë gjallërojnë të gjithë Abruzzo. Një gamë e gjerë datash të rëndësishme, ku të shumtë janë spektaklet me sfond folkorik, do të pasurojnë pushimet duke habitur dhe sytë e turistëve.

Gjatë verës teatri, muzika, festivalet humoristikë dhe ngjarje histrorike organizohen në sheshe, parqe dhe kështjella, plazhe në qytete të mëdha dhe të vogla.

Traditat e Rajonit të Abruzzo

ARTIZANATI , PRODUKTE VENDASE DHE KUZHINA

Në Abruzzo aftësia artizanalë ka rrënjë të largëta. Për shekuj me rradhë janë trashëguar sekrete, këshilla dhe intuita nga babai tek biri.

Hekur i farkëtuar dhe bakër, metale të çmuara, drure, qeramikë, lëkurat janë demostrime të mira të punëtorëve dhe ku ndërthuret entuziazmi i gjeneratës së re me dijet e një arti të trashëguar.

Janë produktet e reja të tokës dhe të detit protagonistët autentikë të kuzhinës abruceze, me vajin dhe verën e mirë. Një galleri e shijshme shijesh të makaronave të njohura, të zaferanos dhe djathit, sallamit dheprodukteve të qumështit, mishit të shijshëm, ëmbëlsiravë të veçanta e të shijshme tradicionale, që mund të merren nëpër kantinat e qytetit.